Af hverju ber einhver saman hækkanir frá árámótun

Maður sem neytandi er í engri stöðu til þess að meta hvort Hekla hafi hækkað minna eða meira en önnur bílaumboð frá árámótum.

Þess vegna þyrfti einhver óháður aðili að kanna þetta, bæði meðalhækkun á bílum umboðsins og hækkun á söluhæstu bílunum.

Hvernig væri að eitthvert blaðið tæki sig til að kanna hvernig þetta sé svart á hvítu í stað þessarar kranablaðamennsku sem felst í birtingu á fullyrðingum umboðanna sjálfra um að þeir séu betri en hinir.

Yfirlýsing frá Heklu

Borgarstjóri sagði ekki það sem hann sagði

Svona mátti skilja Gísla Martein á Stöð 2 í kvöld. Hann sagði bara að það væri ekki haft rétt eftir Ólafi og sagði síðan fréttamanninum hvað Ólafur hefði raunverulega átt við.

Þetta minnir helst á það þegar Boris Yeltsin Rússlandsforseti kom iðulega með yfirlýsingar sem aðstoðarmenn hans voru í fullu starfi við að afturkalla eða leiðrétta.

 

Þetta væri sjálfsagt bara broslegt ástand ef þetta væri ekki höfuðborgin okkar.

 

Þess vegna er það eina sem ég get gert er að minna á aftur að Ólafur F er í boði Sjálfstæðisflokksins. 

Ólafur segist ekki hafa skipt um skoðun

Sýndaröryggi - Íslendingar láta alltaf plata sig

Núna skiptast NATO þjóðirnar á að koma til Íslands og vakta landhelgina. Engu er til sparað, herþoturnar tilbúnar allan sólarhringinn og geta verið komnar í loftið á 15 mín til þess að elta rússneskar sprengjuflugvélar sem finnst gaman að æfa sig í línudansi.

Einnig verða stífar heræfingar og til þess að sanna það að við séum menn með mönnum að þá borgum við verulegan hluta kostnaðarins.

 

En þetta hefur nákvæmlega ekki neitt að segja fyrir öryggi landsins eða lofthelginnar. Koma hersveitanna er auglýst með löngum fyrirvara. Næsta sveit kemur í September og ef Rússarnir eða einhverjir aðrir vilja ráðast á Ísland að þá passa þeir einfaldlega upp á að það sé ekki hersveit stödd á landinu þegar þeir leggja til atlögu.

Svo getum við líka gengið frá því vísu að ef ástandið í heiminum versnar til muna og líkur á nýrri heimsstyrjöld vaxa, að þá munu NATO ríkin ekki senda hingað fleiri sveitir á æfingu heldur halda þeim heima hjá sér eða annarstaðar þar sem herstyrkurinn nýtist þeirri þjóð sem best. Þannig er það einfaldlega og það er mjög skiljanlegt að ríki hugsi fyrst og fremst um sitt öryggi.

Þannig að við íslendingar fáum sama og ekki neitt út úr þessu nema reikninginn fyrir æfingunum.

 

Ríkin sem aftur á móti koma hingað fá alveg helling. Það þarf að halda æfingar hvort eð er og enn betra að hafa nánast óbyggt land til þess að leika sér í og land sem er óþekkt af flugmönnunum er líka kostur. Hér eru líka oft erfiðar veðuraðstæður sem gott er að læra á.

Rúsínan í pylsuendanum er svo að stór hluti kostnaðarins er borgaður af vitlausum íslendingum.

 

Við hefðum allt eins getað krafsað Ægishjálm á mitt landið. Það hefði verið ódýrara og veitir líklega betri vörn.

Frakkar vakta loftrýmið

Hver er breytingin?

Nú man ég auðvitað ekki verðskrár þessara fyrirtækja svona utanbókar og nú er ekki hægt að finna þær. En ég sé ekki betur en verðskráin sé mjög svipuð og hjá þessum fyrirtækjum fyrir sameininguna.

Ég held að þau séu ekkert að breyta verðinu núna þannig að fyrirsögnin  "Boða 20-30% lækkun fjarskipta" er ekkert nema blekking.

Nýja talið er voða montið af því að hver mín hjá þeim kostar "bara" 14 krónur og 90 aura.

En hjá sambærilegu fyrirtæki hér í Danmörku er með mín. á um 6 krónur íslenskar, SMS á um 3 kr og upphafsgjaldið krónu lægra en hjá Tali.

 

P.S. Verðskráin hjá SKO er enn aðgengileg og samkvæmt henni hefur verið á 8MB tengingu hækkað um 400 kall á meðan aðrar tengingar eru á svipuðu verði.

Farsímaverðskráin er nánast alveg eins og hjá SKO nema að Tal hefur bætt við áskriftargjaldi 500 krónur.

 

Þetta er alltaf eins, íslenskir neytendur eru blekktir og sætta sig við það brosandi. 

 

Semsagt breytingin er engin, nema að sumt hefur hækkað. 

Boða 20-30% lækkun fjarskipta

Raunveruleg hátæknifyrirtæki

Undanfarið hafa stóriðjufyrirtæki reynt að slá ryki í augu landans með hátæknihugtakinu. Þannig höfum við séð að aðilar, sem vilja reisa olíuhreinsistöð með rússneskum huldumönnum, kalla sig Íslenskan hátækniiðnað og talmenn álvera tala um að álbræðslurnar séu hátæknifyrirtæki því þar sé notaður hátæknilegur búnaður.

En þegar talað er um hátækni eða hátæknifyrirtæki að þá er ekki verið að tala um fyrirtæki sem nota eitthvað hátæknilegt, heldur fyrirtæki sem setja að minnsta kosti 4% af veltu sinni í rannsóknir og þróun. Og það gefur augaleið að fyrirtæki sem nota þekktar aðferðir við olíuhreinsun eða álbræðslu eru ekki hátæknifyrirtæki.

Hátæknifyrirtæki, eins og Marel, Össur og fleiri, eru sérstaklega verðmæt vegna þess hve hátt hlutfall af störfum hjá þeim eru hálaunuð störf þar sem menntunin, sem íslendingar eru duglegir við að sækja sér til útlanda, nýtist vel.

 

Að þessi fyrirtæki hafi gott starfsumhverfi er meginforsenda þess að íslendingar komi aftur heim þegar þeir eru búnir að mennta sig. Þessu þarf ríkisstjórnin að átta sig á í stað þess að hlaða niður álbræðslum og olíuhreinsistöðvum. 

Marel: Fimm milljarðar í rannsóknir og þróun á hverju ári

Óhæfur Borgarstjóri

Þegar tillögurnar voru kynntir að þá voru allir sammála um að vinningstillagan bæri af öllum öðrum og m.a. sögðu sumir borgarfulltrúar frá því að þeir hefðu verið sannfærðir um að innlenda aðila væri um að ræða því tillagan bæri það með sér að höfundar hennar þekktu vel til íslenskra aðstæðna og íslenskt samfélags.

En núna sakar Ólafur F höfundana einmitt um að hafa ekki skilning á íslenskum aðstæðum.

 

Fyrst þegar ég sá tillöguna að þá hefði ég efasemdir um ýmsa hluti hennar.  En eftir að hafa skoðað hana nánar að þá tel ég að hún hafi góða möguleika á að heppnast vel og bæta borgina. Það sem ég vil helst sjá tekið út úr henni er samgöngumiðstöðin, en hún er hins vegar ekki þar vegna þess að höfundarnir vildu hana heldur vegna þrjósku stjórnmálamanna að staðsetja eigi samgöngumiðstöð þarna lengst úti á nesinu, en ekki á miðlægum stað.

 

Í mínu námi, hér í Álaborg hefði ég getað valið sérsviðið "Urban Design" og í grunnnáminu hef ég gert þannig verkefni. Ég útilokaði hins vegar það sérsvið m.a. vegna þess að á þessu sviði eru það yfirleitt misvitrir stjórnmálamenn sem taka ákvarðanirnar, ekki fagmennirnir.

 

En vegna þess að ég þekki aðeins þetta svið að þá er ég alveg sannfærður um það að höfundar vinningstillögunnar eru margfalt hæfari til þess að skipuleggja þetta svæði en Ólafur F Magnússon.

 

P.S. Við skulum síðan halda því til haga að Ólafur F Magnússon borgarstjóri er í boði Sjálfstæðisflokksins 

Borgarstjóri gagnrýnir vinningstillöguna

Er þetta ekki orðið gott

Þjóðin sýndi það í síðustu kosningum að hún hafði fengið nóg af samstarfi Sjálfstæðisflokksins og Framsóknarfloksins, og þó að þeir rétt hefðu haldið meirihluta að þá var það greinilegt að kjósendum Framsóknarflokksins hugnaðist ekki lengur að vera hækja Sjálfstæðisflokksins.

 

Samfylking, sannfærð um að hún gæti gert betur, ákvað síðan að láta reyna á samstarf með Sjálfstæðisflokknum og til að byrja með hljómaði það eins og henni væri að takast að hafa meiri áhrif, en hljómaði er einmitt lykilorðið, því minna varð úr fögrum orðum en flestir vonuðu.

Og núna virðist það eina sem Samfylkingin gerir er að reyna að nota efnahagsvandann sem afsökun fyrir ESB aðild, þó hún hafi varla minnst á það fyrir kosningar. Ekkert er um raunverulegar aðgerðir í efnahagsmálum og fólk að missa trúna á Samfylkingunni enda er hún greinilega bara einhver sem gerir sama gagn fyrir Geir H Haarde

Og þó að ríkisstjórnin sé það sterk að hún geti vel lifað af fylgishrun hækjunnar að þá er það ekki eins víst að Samfylkingin lifi það af.

Ég held því að Samfylkingin ætti að segja tilrauninni lokið áður en hún verður komin niður í Framsóknarfylgi og leita fyrir sér annarstaðar. Þetta er orðið gott.

Fylgi við Samfylkingu og ríkisstjórn minnkar

Látum ekki neyða okkur í ESB

Ég hef það á tilfinningunni að Samfylkingin sitji núna kollróleg og bíði eftir að allt fari til fjandans, til þess að koma í gegn einu aðalmarkmiði sínu, sem hún minntist þó ekki á í kosningabaráttunni.

Það er eins og það eigi að leyfa efnahagskerfinu að hrynja til þess að þjóðin hlaupi inn í Evrópusambandið án þess að hugsa um nokkuð annað en núverandi efnahagsvanda.

Auðlindir, bæði í jörð og sjó, verða aukaatriði sem og umræðan um það hvert Sambandsríkið ESB stefnir og hversu valdalaus við verðum innan þess.

 

Það að ganga inn í svona Sambandsríki eingöngu til þess að redda skammtímavandamáli er svona svipað að skrifa undir eilífðarleigusamning fyrir kjallaraíbúð af því maður er í tímabundnum húsnæðisvanda.

 

Ef við ætlum inn í ESB að þá verður að gera það undir aðstæðum þar sem hægt er að fjalla um allar afleiðingar þess, góðar og slæmar. Því eftir að við erum komin inn að þá förum við aldrei þaðan út aftur. 

Tímabært að sækja um ESB-aðild

Kröfur lögbrjóta

Á vísi.is er haft eftir Sturlu eftirfarandi setning: "Yfirvöld geta ekki bara eyðilagt eigur þínar og sagt þér síðan að laga þær sjálfur, það er ekki að virka."

Hann neitar að taka við bílnum sínum fyrr en löggan er búin að gera við skemmdirnar og er þessi ganga í dag að hluta til til þess að vekja athygli á þessu óréttlæti sem lýsir sér að löggan vilji ekki gera við skemmdir sem hlutust að því að færa bíl hans.

Reyndar var lögreglan ítrekað búin að biðja um að bíllinn yrði færður, fyrst að bílstjórarnir gerðu það sjálfir, en seinna eftir að frestur til þess rann út, að lyklar að bílnum væru afhentir.

Þar sem Sturla kaus að hunsa þessi fyrirmæli lögreglu að þá er tjónið alfarið á hans ábyrgð og hrein og klár ósvífni að fara fram á að hið opinbera beri þetta tjón.

Ef eigendum bílanna er annt um þá, þá mæli ég með því að þeir noti þá ekki sem vopn þegar þeir stöðva umferð, valda almannahættu og tefja meðborgara sína.

 

Hins vegar vil ég hrósa Sturlu fyrir þessu friðsamlegu göngu núna. Hún er sannarlega breyting til batnaðar. Næsta skref er að finna betri málefni til þess að berjast fyrir

Bílstjóri í mótmælagöngu

Enginn greiði gerður

Mótmælendur hafa hvað eftir annað orðið sér og málstað sínum til skammar. Þeir eru með óljósar kröfur og aðgerðir sem beinast bara að samborgurum þeirra. Þeir neita að fara eftir fyrirmælum lögreglu og hunsa frest sem lögregla gefur þeim til þess að yfirgefa svæðið friðlega.

Þegar félagi þeirra ræðst á lögregluna að þá er hann hvattur áfram og einhverjir ætla að koma honum til hjálpar. Eftirá, gagnrýna þeir að lögregla hafi verið óblíðleg við hann. Og núna ætla þeir að kæra lögguna fyrir að hafa sýnt of mikla handtöku þegar þeir voru að veita mótþróa við handtöku.

 

Það má vel vera að löggan hafi í einhverjum tilvikum sýnt of mikla hörku, það mun hins vegar ekki hjálpa þeim neitt að grenja svona undan löggunni. Mótmælendurnir eru frumörsökin af öllum þessum látum og nú þegar löggan er hætt að beita þá vettlingatökum að þá verða þeir bara að taka því sem hverju öðru hundsbiti. 

Íhuga að kæra lögregluna