Verða bensínbílar verðlausir eftir 3 ár?

Á næstu mánuðum ætla ég að flytja heim, byrja að vinna og reikna með að kaupa mér bíl. Og eins og bensínverðið er í dag, að þá skiptir eldsneytiseyðslan töluverðu máli þegar ég er að spá í hvernig bíl ég ætti að kaupa mér.  Eyðslan innanbæjar verður að vera innan við 10 lítrar á hundraðið, helst innan við 8 og jafnvel fjárfesti ég í einhverjum smábíl sem eyðir 5-6 lítrum á hundraðið.

En er það nóg?

Ég var að skoða línurit sem sýnir olíuverð fyrir síðasta áratuginn, og línan minnir óhugarlega mikið á veldisfall, og ef sama þróun heldur áfram að þá yrði ég ekki hissa þó verð á lítrann væri komið yfir 300 kallinn innan þriggja ára.

 

Ef það gerist að þá munu þeir sem kaupa sér nýja bíla þá velja bíl sem gengur fyrir ódýrari orku, rafmagni/vetni/metan. Spurning er hins vegar, hvað gera þeir sem hafa nýlega fjárfest í dýrum nýjum bensínbílum? Markaðsvirði þeirra hlýtur að hrynja þannig að margir munu sitja uppi með verðlausa bíla sem eru bæði rándýrir í rekstri og afborganir í fjögur ár í viðbót.

Auðvitað kemur að því að olíuverð lækki, þegar búið verður að skipta út bílaflota heimsins, en það hlýtur að koma tímabil þar sem bensínbílarnir verða verðlausir vegna himinhás olíuverðs.

 

Ég held að bílaflotinn muni skipta um aðaleldsneyti á næstu 10 árum, og að þeir sem kaupi nýjan bíl í dag munu koma verst út úr þeim umskiptum.

Því er það spurningin, er nóg að kaupa sparneytinn bensín/olíu bíl? Á maður frekar að veðja á einhvern af hinum orkugjöfunum? Og hvað ef sá orkugjafi hlýtur sömu örlög og Beta spólurnar?

 

Stórar spurningar... 

Íslendingar eiga að gera klárt fyrir orkuskipti

Jörð til Ólafs, jörð til Ólafs

Ég var að horfa á hádegisviðtalið við borgarstjórann á vísi.is og ég get ekki annað en spurt, í hvaða heimi er hann?

Hann segir að þessi könnun blási af allar fylgiskannanir og sýni að borgarbúar styðji hann sem borgarstjóra. Hann tekur ekkert mark á könnunum sem sýna að hann hefur ekkert traust sem borgarstjóri en þegar það kemur könnun sem sýnir að borgarbúar eru sammála honum um eitthvað, að þá sýnir hún ekki bara hug borgarbúa í því máli heldur er hún alhliða yfirlýsing um að þeir styðji Ólaf sem borgarsjóra.

 

Undanfarin ár þá hefur stuðningur við flutning flugvallarins verið vaxandi, og var hvað mestur þegar allir flokkar lýstu því yfir að þeir vildu ekki færa hann til Keflavíkur, en rifust síðan um það hvert hann ætti þá að fara.

Núna veit hins vegar enginn hver stefnan er, Sjálfstæðismenn vilja völlinn burt en vilja bara ekki segja það upphátt á þessu kjörtímabili.

Einhverjir eru að ræða um að flytja innanlandsflugið til Keflavíkur og flutningurinn blandast inn í umræður um lestasamgöngur milli Reykjavíkur og Keflavíkur. Einnig var einhver að tala um það í fjölmiðlum fyrir nokkrum dögum hvað það yrði slæmt að færa innanlandsflugið til Keflavíkur.

 

Ég er nokkuð viss um það að borgarbúar vilji ekki flytja innanlandsflugið til Keflavíkur og þessi óvissa gerir það að verkum að stuðningurinn við völlinn í Vatnsmýrinni eykst.

 

Hins vegar, ef borgarfulltrúarnir kæmu sér saman um að marka framtíðarstefnu þar sem ákveðið væri að flytja flugvöllinn úr Vatnsmýrinni, en halda honum innan Reykjavíkur, og nota Vatnsmýrina til þess að styrkja miðbæinn. Að þá er ég viss um að borgarbúar mundu styðja það.

Fyrir þessu er 14 á móti 1 meirihluti í borgarstjórn, nema það að Sjálfstæðismenn mega ekki ákveða neitt varðandi flugvöllinn eftir að þeir keyptu Ólaf.

Borgarstjórinn fagnar niðurstöðu skoðanakönnunar

Hver á landamæri að flestum Evrópuríkjum?

Það er alltaf sama klíkan, nágranalööndin kjósa hvert annað, þar á meðal Norðurlöndin.

Okkar vandamál er hins vegar að það eru allt of mörg Evrópulönd of langt í burtu frá okkur. Ég kenni því fleka-rek-kenningunni (í jarðfræði) um gengi okkar í þessari keppni.

 

Rússar hins vegar eiga eða hafa átt landamæri að lang flestum Evrópulöndum. Gott ef það slagar ekki vel í þriðjung landanna í Evrópu.

 

Rússar unnu Eurovision

Kjötkveðjuhátíð

Það er greinilegt að íslendingar eru ótrúlega spenntir fyrir keppninni í kvöld, og fólk jafnvel farið að undirbúa að íslendingar haldi keppnina af ári. Íslendingar í Álaborg eru líka í Júróvisjónhug sem heyra mátti t.d. á því að í morgun ómaði "Ho Ho Ho We Say Hey Hey Hey" út um glugga í miðbænum, en þar voru líklega Íslendingar í upphitunnar partí. En líklega var það samt ekki upphitunnarpartí fyrir Júróvisjón, enda frekar snemt að hita upp fyrir það kl 10 á morgnanna.

Í dag er það nefnilega ekki Júróvisjón sem á hug Álaborgara í dag þó svo að Danir hafi komist í aðalkeppnina.

Þeim þykir sjálfsagt konunglega brúðkaupið merkilegra en þó fær það litla athygli í Álaborg í dag.

Hér er nefnilega árlegt Karnival í dag, hið stærsta í Norður-Evrópu, að sögn innfæddra.

 

Hjá almennum þátttakendum byrjar dagurinn eldsnemma með upphitunnar-partíum þar sem þeir byrja að væta kverkarnar, en formleg dagskrá byrjar kl 10:30 með skrúðgöngu.

Þar ganga danskir og alþjóðlegir carnival hópar þar sem þeir dilla sér við fjörlegan sambatakt í skrautlegum búningum, sumum heldur efnislitlum.

Innfæddir lauma sér síðan úr partíunum og inn í gönguna, en hjá þeim skiptir bjórvagninn yfirleitt meira máli en dansinn og búningarnir.

Skrúðgöngurnar eru í raun þrjár, en allar safnast þær saman í miðbænum þar sem flestir áhorfendurnir bíða og svo heldur hún áfram í aðal skrúðgarðinn í Álaborg, Kildeparken, en þar byrjar síðan fjörið fyrir alvöru og stendur fram á nótt.

 

Hérna eru nokkrar myndir sem ég tók í miðbænum.

Af þeim hópum sem ég sá var sá sænski sá flottasti, eða allavega með fáklæddustu stelpurnar

„Getum alveg unnið þetta"

Hamingjusamasta þjóð í heimi vegna þess að

Breskir fjölmiðlar eru mikið að velta því fyrir sér hvers vegna íslendingar eru hamingjusamasta þjóð í heima.

Ég held að skýringin sé sú að okkur líður alltaf eins og sigurvegurum.

Þegar við gerðum jafntefli við heimsmeistaralið Frakka, að þá leið hverjum einum og einasta íslendingi eins og við hefðum unnið.

Og þegar kemur að Júróvisjón að þá fannst þjóðinni eins og sigurinn væri kominn við það eitt að komast í úrslitakeppnina.

Ekki það að ég sé að gagnrýna það, mér fannst líka eins og við hefðum unnið í gær.

En ég held að þarna hljóti að vera komin skýringin á hamingjusemi okkar. Við erum eitthvað svo lítil þjóð að við höfum lært að vera jákvæð og túlka hlutina okkur í hag, t.d. með hinni frægu höfðatölu.

 

Hins vegar held ég að það sé alveg óhætt á ráðstafa flugskýlunum í eitthvað annað og litlar líkur á að við þurfum að halda keppnina á næsta ári, þó atriðið okkar sé vissulega flott.

En það er allt í lagi, sigurinn fékst í gær. 

Evróvisjón á vellinum?

Gleyma allir fyrsta laginu?

Ég var hvorki neinn aðdáandi íslensku undankeppninnar né þessa lags sem vann, en ég verð að segja það að þetta kom mjög vel út hjá þeim þarna úti. Lagið er orðið flottara, söngurinn var óaðfinnanlegur og sviðsframkoman og myndatakan ver mjög flott.

 

Ég er hins vegar ekki viss um að þetta atriði festist nógu vel í minni Evrópubúa til þess að þeir kjósi það.

Þau eiga hins vegar vel skilið að komast áfram og eru búin að fá atkvæði frá mér.

 ----viðbót----

Nei, greinilega gleymdust við ekki, og satt að segja komust allar fremstu þjóðirnar áfram. Nú er bara að vona að það gangi jafn vel á Laugardag.

 Til lukku Regína og Friðrik.

Ég sé að Danir og Svíar eru líka komnir áfram.

Örlögin í höndum Evrópu

Eiga bankarnir almenning?

Geir ætlar að afhenda bönkunum (sem hann er þarna að gagnrýna) almenning á silfurfati með breytingum á Íbúðarlánasjóði.

Íbúðarlánasjóður mun hækka vexti fyrir almenna kaupendur, til þess að "jafna samkeppnisstöðu".

 

Hvers vegna er það að ríkið má ekki veita almenningi þjónustu ef það vill það? Eiga bankarnir verndaðar eignarrétt á okkur, þar sem þeir geta fest okkar viðskipti í 40 ár?

Hvað með leikskólana, ætti ekki að banna sveitarfélögum að reka þá í samkeppni við einkarekna leikskóla? Eða ríkið heilbrigðisþjónustu?

 

Bönkunum er frjálst að veita lán ef þeir svo kjósa. Þeir eru allir jafnir og geta keppt sína á milli. Þeir eiga samt ekki að hafa neinn einkarétt á almenningi.

Útlán of lítil

Er nokkur hissa á þessu?

Ég get ekki ímyndað mér að nokkur maður sé hissa á þessari niðurstöðu.

Þetta er flokkurinn sem hefur boðið okkur upp á óvinsælasta borgarstjóra Íslandssögunnar, veit ekkert hvernig eigi að lenda Vatnsmýrarmálinu, hvort það eigi að vinna áfram með verðlaunatillögu eða hvort hún sé að valda skipulagsslysi, vita ekki hvort þeir ætla að selja miðbæinn eða kaupa hann, selja REI eða ekki.

Borgarfulltrúar Sjálfstæðisflokksins geta ekki einu sinni komið sé saman um það hver eigi að verða næst-óvinsælasti borgarstjórinn í Íslandssögunni.

Það má hreinlega segja að þeir hafi verið heppnir að lenda þó fyrir ofan við 30% mörkin. 

 

Það er ljóst að borgarbúar vita það að... 

 

 

 

 

 

 

 

 

 

 

 

 

 

 

 

 

 

 

 

 

 

 

Fylgi Sjálfstæðisflokks minnkar mikið í Reykjavík

Vill enginn vinna með honum?

Ég hef enga trú á því að þessi framhandleggs-staða hafi verið búin til sérstaklega fyrir Jakob.

Hins vegar hefur komið fram að Ólafur vildi hafa pólitískan stuðningsmann í þessu starfi og að hann á að vinna fyrir Ólaf á fleiri sviðum en miðbæjarmálum, og þannig vera nokkurskonar aðstoðarmaður númer tvö.

 

Ég skil það því vel að allir þessir embættismenn hafi ekki verið hrifnir af því að taka þetta starf að sér á þessum forsendum.

Satt að segja held ég að starfsaðstæður embættismanna borgarinnar séu nánast óþolandi. Ítrekað hafa stjórnmálamennirnir reynt að skýla sér á bak við embættismenn sína þannig að embættismennirnir lenda í þeirri stöðu að samvinna þeirra við stjórnmálamennina gæti orðið erfiðari ef þeir greina opinberlega frá sannleikanum.

 

Ég held að þessi stöðuveiting sé ekki spilling að hálfu Borgarstjóra. Hins vegar hefur verið staðið gríðarlega illa að henni og Borgarstjóri og stuðningsmenn hans hafa oft verið missaga um staðreyndir málsins.

Svona vinnubrögð eru einfaldlega ekki boðleg borgarbúum. 

Miðborgarstjóra R-listans var boðið starfið

Sjálfstæðisflokkurinn kynnir stórmynd ársins

 

 

 

 

 

 

 

 

 

 

 

 

Gamansami harmleikurinn í Ráðhúsinu er búinn að vera í sýningu á fjórða mánuð og allt útlit fyrir að sýningar haldi áfram út kjörtímabilið.

Þetta mál núna þar sem Ólafur F réð Jakob F sem pólitískan aðstoðarmann #2 er alveg dæmigert fyrir vandræðaháttinn hjá þessum meirihluta.

Af orðum Ólafs í byrjun þessa máls var augljóst að um pólitíska ráðningu væri um að ræða og að hann hugsar þetta starf til lengri tíma. Jakob á að vera framhandleggur borgarstjóra og honum til aðstoðar við ýmiss fleiri mál en miðborgarmálum.

Hann er því greinilega hugsaður sem persónulegur aðstoðarmaður #2 Ólafs.

En formlega séð, vegna þess að borgarstjóri má bara hafa 1 pólitískan aðstoðarmann, er þetta bara venjulegt job hjá borginni samkvæmt taxta.

Reglur borgarinnar eru hins vegar sveigðar út og suður til þess að koma þessari ráðningu í gegn.

Starfið er sagt vera aðeins til 12 mánaða, einmitt hámarkstíminn svo ekki þurfi að auglýsa starfið laust. Við vitum þó að það hefði aldrei verið auglýst og ráðið faglega í það því það er viðurkennt að ráða átti pólitískan samstarfsmann. Þetta er sannkölluð 19. aldar stjórnsýsla hjá borgarstjóranum.

Launin eru "bara" samkvæmt taxta, eins háum taxta og mögulegt var að reikna út samkvæmt launatöflu borgarinnar og í algjöru ósamræmi við almennar stöður hjá borginni.

Ólafur vildi engu svara í gær, og í dag mætir hann í drottningarviðtöl með veika vörn og talar bara um að aðrir séu spilltari en hann.

Hann fann vissulega dæmi um starf með svipuðum launum, og finnst það fordæmisgefandi fyrir starf Jakob.

Það starf var þó ekki meira fordæmisgefandi en það en að borgarstjóri kaus að horfa framhjá því að í það starf hafi verið ráðið faglega eftir að staðan var auglýst og launanefnd fengin til þess að úrskurða um launin.

Það er því á engan hátt sambærilegt við það þegar maður ræður vin sinn án þess að auglýsa starfið og skammtar honum síðan bestu laun sem maður hefur heimild fyrir.

 

Hin vörn Ólafs var síðan að hann hefði aldrei farið til útlanda á vegum borgarinnar. Og síðan er hann einnig með yfirlýsingar, í hótunarstíl, að hann muni sko fara í saumanna á ferðum annarra borgarfulltrúa í kjölfarið að hann hafi verið gagnrýndur.

Svona framkoma einfaldlega gengur ekki af æðsta yfirmanni borgarinnar. Hvað ætla Sjálfstæðismenn að bjóða okkur upp á þetta lengi?

 

 

„Ráðning í samræmi við reglur Reykjavíkurborgar"