Ómannúðlegar hvalveiðar

Í hvalveiðum er mikið lagt upp úr því að hvalveiðar séu sem mannúðlegastar og þegar ekki er lengur hægt að segja að hvalastofnar, sem veitt er úr, séu í útrýmingarhættu að þá eru aðalrökin gegn hvalveiðunum að veiðiaðferðirnar séu ómannúðlegar. (Sjálfum hefur mér alltaf þótt það "ómannúðlegra" að rækta dýr til þess eins að drepa þau og halda þeim allt sitt líf innilokuðum í það þröngu plássi að þau geti varla hreyt sig, miðað við það að veiða dýr sem hafa fram að því lifað frjálsu lífi við náttúrulegar aðstæður.)

En til þess að gera hvalveiðar mannúðlegri að þá hafa verið hannaðir sérstakir sprengjuskutlar sem eiga að drepa dýrið innan nokkurra sekúndna, og ef það bregst eru menn tilbúnir með riffla til þess að aflífa dýrið.

Hvalfriðarsinnar telja hins vegar að þetta virki ekki nógu vel og elta jafnvel hvalveiðimenn uppi í þeirri von að ná myndum af því þegar eitthvað úrskeiðis hjá veiðimönnunum til þess að geta sýnt heiminum hversu ómannúðlegar veiðarnar séu.

 

Náttúran virðist hins vegar bara brosa að þessu öllu því hún gefur sjálf hrefnunum mun kaldrifjaðri endalok.

Hrefna barðist fyrir lífi sínu við hóp háhyrninga

Málfrelsið þyrnir í augum kristinna eins og múslima?

Deilan um dönsku teikningarnar af spámanninum var sögð snúast um málfrelsið vs tillitsemi við trúarbrögð og í raun var eini tilgangur þeirra að sannreyna málfrelsið með því að ögra múslimum.

Þegar það mál var í hámarki að þá var oft bent á það að kristnir menn mundu ekki gera svona mikið veður út úr því ef einhver teiknaði miður fallegar myndir af Jesú.

 

Hins vegar þegar Gyllti áttavitinn var frumsýndur í Bandaríkjunum að þá voru stórir trúarhópar sem börðust gegn myndinni og það var talið hafa haft veruleg áhrif á miðasölu á myndina.

Best fannst mér ummæli talsmanns einhverra af þeim hópum sem börðust gegn myndinni en þau voru einhvern veginn á þennan veg: Myndin sjálf er ekki svo slæm því þar er búið að draga úr ádeilunni en hættan er að fólk fari og lesi bækurnar eftir að hafa séð myndina.

 

Auðvitað notaði ég mér fyrsta tækifæri til þess að komast yfir bækurnar til að lesa þessa hryllilegu ádeilu á trú en fann reyndar ekki neitt. Bækurnar gagnrýna hvorki trú almennt né þannig séð kristnar kennisetningar. Þær eru hins vegar hörð ádeila á stofnanir sem taka sér vald í nafni trúar og ég tel það líklegast að þeir hafi tekið það til sín sem áttu það skilið.

 

Mér er reyndar nokk sama þó myndin hafi og að framhaldið komi ekki á næstunni því ég er búinn að lesa bækurnar, þökk sé kristna talsmanninum, og þær eru miklu betri en nokkur kvikmynd, en þetta sýnir þó hvernig hægt er að hefta málfrelsi stóru Hollywood framleiðandanna

Óvíst með framhald á trílógíu Pullmans

Aðeins 1% verðmunur milli dýru og "ódýru" olíufélaganna

Maður trúði því í alvöru að með komu Atlandsolíu kæmi einhver samkeppni á olíumarkaðinn. Að með komu aðila sem væri óskyldur stóru olíufélögunum, sem sannað er að hafi stolið frá almenningi, mundi eitthvað breytast og að fólk gæti í alvöru sparað eitthvað með því að leita uppi sjálfsafgreiðslustöðvarnar litlu aðilanna.

En raunin er hins vegar sú að álagning stóru olíufélaganna hefur verið að hækka og samt sem áður er verðmunur á milli þeirra og sjálfsafgreiðslustöðvanna aðeins um 1% sem dugar varla til þess að leita sérstaklega uppi þær stöðvar.

Fjölmiðlar eru síðan engan veginn að standa sig því þeir fjalla um bensínverð eins og um sé að ræða eitthvað náttúrufyrirbrigði. Í gær þegar verðið hafði lækkað hratt í 2 daga í röð á heimsmarkaði að þá var það ein af aðal fréttum hjá báðum sjónvarpsstöðvunum að verð hér hefði lækkað um 1 krónu og 20 aura þó svo verðið hafi þá verið hærra en það var um helgina.

Fjölmiðlar ættu í staðinn að beita olíufélögin þrýstingi með því að birta útreiknað bensínverð miðað við óbreytta álagningu og greina frá mismuninum á því verði og raunverulegu verði í stað þess að segja aðeins frá stökum hækkunum eða lækkunum.

Eldsneytisverð lækkar

Hvar er varnarmálastofnun núna?

Á meðan við borgum frökkum stórfé fyrir að elta rússneska birni sem fljúga í kring um landið að þá ganga grænlenskir birnir hér á land hver á eftir öðrum alveg án þess að frakkarnir verða þess varir.

Er nýja varnarmálastofnunin ekki alveg að bregðast þarna?

Vill nefna björninn Ófeig

Bretar duglegir að nota almenningssamgöngur

Miðað við hvað það er algengt að það týnast leyniskjöl eða fartölvur með leyniskjölum í lestum í Bretlandi að þá er greinilegt að bretar séu svo duglegir að breska leyniþjónustan sé svo dugleg að nota almenningssamgöngur að það sé óumflýjanlegt að þeir týni þar hinu og þessu, eða þá að þeir séu í meira lagi utan við sig.

Nema að þetta séu svona dead drop aðferðir til þess að skiptast á upplýsingum, þ.e.a.s. að einn skilji eftir pakka og annar komi seinna til að ná í hann, nema að þær hafi eitthvað klúðrast.

 

Svo gæti þetta verið markaðsátak til þess að auka notkun almenningssamgöngur: "Notaðu lestina, aldrei að vita hvað þú gætir fundið." 

Leyniskjöl skilin eftir af ásettu ráði?

Ef þér líkar ekki svarið, spurðu þá bara aftur

Þetta er mottó ESB og það sem þeir gerðu eftir að Frakkar og Hollendingar höfnuðu stjórnarskránni.

Í þetta skiptið var bara ein ríkisstjórn sem þorði að leyfa þjóð sinni að svara, og hún fékk nei.

 

Við getum hins vegar verið viss um það að Írar verða spurðir aftur -og aftur -og aftur, þar til rétt svar fæst, eða þar til ríkisstjórnin þorir ekki að leyfa þjóðinni að svara. 

Írar höfnuðu ESB-sáttmála

"Útlit umbúða höfðar til hins íslenska uppruna og hreinnar náttúru landsins"

Nú ætlar MS að selja Skyr til Bretlands sem dýra hágæðavöru og til markaðssetningar ætla þeir að nota "hreina náttúru landsins".

 

Það er nákvæmlega þetta sem sem Björk er að benda á með tónleikunum í Laugardalnum í sumar. Það felast gríðarleg verðmæti í ímynd landsins um að hér sé að finna hreina náttúru.

En ímynd er hins vegar langt í frá varanleg og margar borgir sem og heilu löndin eyða stórfé í að byggja upp ímynd sína og stundum hrinur sú ímynd, jaffnvel með svo lítið sem stökum neikvæðum atburði sem kemst í heimsfréttirnar.

 

Við Íslendingar erum heppnir að því leyti að hafa frekar jákvæða ímynd og þar á náttúra landsins stóran þátt. En ef við ætlum endalaust að byggja álver og olíuhreinsistöðvar, að þá fer sú ímynd smátt og smátt að snúast við.

 

Sumir vilja hins vegar virkja hverja lækjasprænu og hvern volgan blett, og telja það nánast skyldu okkar að framleiða ál svo það sé ekki framleitt með kolum annarstaðar (Þar sem jarðhiti og ár fyrirfinnast hvergi nema á Íslandi?) og segja álframleiðsluna þannig vera umhverfisvæna.

En ég sé það hins vegar ekki fyrir mér að MS selji eina einustu skyrdós út á ímyndina "Við fórnuðum náttúrunni fyrir umhverfisvænsta ál í heima".

 

Þess vegna verðum við að læra að byggja upp annað en bara stóriðju, því þetta gengur ekki áfram endalaust. 

 

Náttúran er verðmæt og jákvæð ímynd er bara hluti af þeim verðmætum. Pössum upp á hana. 

Skyr.is til Englands

Af hverju halda fjölmiðlar ekki kjafti

Af hverju getur lögreglan ekki haft um það samstarf við fjölmiðla að segja ekki strax frá því þegar upp kemst um stór fíkniefnamál svo lögreglan hafi tíma til þess að finna samstarfsmenn viðkomandi.

Hvernig ætlar lögregla t.d. að reyna að fá eitthvað út úr símahlérunum ef viðkomandi heyra það strax í fréttum að komist hafi upp um innflutning sem þeir tengjast?

 

Mér finnst þetta hafa gerst trekk í trekk að fjölmiðlar keppist við að upplýsa um sem flest smáatriði í smyglmálum sem hljóta að skaða rannsókn málsins.

Það skiptir almenning nákvæmlega engu máli hvort hann fréttir af svona málum samdægurs eða viku seinna. Þess vegna ætti að vera lítið mál fyrir lögregluna að komast að samkomulagi við alla fjölmiðla um ákveðin frest í svona stórum málum. 

Hollendingur fluttur suður

Markaðssnillingar

Fyrirtæki sem tekst reglulega að selja sínum markhópi ódýrt plast með nokkrum beittum stálköntum á nokkur þúsund krónur pakkann, hljóta að hafa einhverja færustu markaðsfræðinga innanborðs.

Og á þriggja mánaða fresti að þá breyta þeir hönnuninni þannig að allir kaupa sér nýtt sett. Hér í DK kostar þannig sett 4000 kall, og þegar maður þarf ný blöð í þetta að getur pakkinn kostað á þriðja þúsund krónur.

Miðað við hvað er í þessu, framleiðsluaðferðir og fjöldann sem framleiddur er að þá væri eðilegt verð líklega um tíundi hluti, en eina ástæðan fyrir því að þetta er ekki selt á því verði er sú að fólk er tilbúið að borga langt um miera fyrir það að það standi Gillette á pakkanum.

Rakvélablöðin bara við kassann

"Útflutningverðmæti" upp á 300 millur á mánuði

CCP hafa sannað það að það er hægt að skapa verðmæti úr fleiru en bara súráli og fiski.

Þeir hafa virkjað hausinn og eru með á þriðja hundruð þúsund áskrifenda sem hver borgar um 18 dali á mánuði sem gerir samtals yfir 4 milljónir dala, eða 300 milljónir íslenskar í hverjum mánuði.

Auðvitað hefur mikil vinna farið í þetta og líka áhætta í að stofna svona fyrirtæki. En reynslan sýnir samt að svona fyrirtæki framleiða mörgu sinnum meiri verðmæti að meðaltali en t.d. álbræðslur og mun betur launuð störf.

Þess vegna hafa nágrannalönd okkar lagt áherslu á að styðja við svona fyrirtæki og byggja upp atvinnustarfsemi sem er að taka við af hefðbundnum framleiðslustörfum.

Við höfum hins vegar lagt áherslu á álver, og jafnvel olíuhreinsistöðvar, og bjóðum almennum fyrirtækjum hér upp á hæðstu vexti heims.

 

Hvernig væri að vakna upp og koma sér yfir í 21. öldina? 

 

Skáldsaga um EVE tölvuleikinn