Leita í fréttum mbl.is

Hvað er hægt að gera með 4 þingmenn? - Þú ert þjóðin!

Nú sýna kannanir að Borgarahreyfingin fái 4 þingmenn og líka að hugsanleg ríkisstjórn þurfi ekki á stuðningi þeirra að halda við að tryggja meirihluta.

Því spyrja margir, hverju ætlar Borgarhreyfingin að breyta með aðeins 4 þingmenn.

 

En nú vill það svo til að ríkisstjórnarflokkarnir, sem munu að öllum líkindum halda áfram, eru með mörg af baráttumálum Borgarahreyfingarinnar á sinni stefnuskrá. Þó þeim skortir áhugann til þess að framfylgja þeim.

 

Þess vegna ætti það ekki að vera svo erfitt að fá lagafrumvörp í gegn sem báðir stjórnarflokkarnir hafa sagst vera samþykkir fyrir kosningar, því þá verður ekki hægt að afsaka sig með því að segja að samstarfsflokkurinn hafi ekki viljað þetta.

 

Auðvitað væri enn betra að fá 6 eða jafnvel 8 menn á þing en svo lengi sem stjórnarflokkarnir hafa ekki yfir 2/3 hluta þingmanna að þá getur lítil hreyfing með sterk tengsl við þjóðina haft heilmikil áhrif.

 

Þú ert þjóðin!

X-O 


mbl.is Lokaorð formanna til kjósenda
Tilkynna um óviðeigandi tengingu við frétt

Skilar þú (d)auðu? Þú ert þjóðin!

Ég hef marga heyrt tala um að þeir séu búnir að fá nóg af fjórflokknum og ætli að senda þeim sterk skilaboð með því að skila auðu.

En hvað gerist nú þegar þú skilar auðu?
Svarið er einfallt: Ekkert!

Það hefur nákvæmlega engin áhrif að skila auðu nema að hugsanlega munu stjórnmálaleiðtogarnir tala um það um kosninganóttina "að þetta væri náttúrulega viss áfellisdómur að þetta margir hefðu skilað auðu".

En á sunnudaginn munu flokkarnir mynda stjórn og ég get lofað þér að þeir munu ekki mynda stjórn með auðum.

Jafnvel þó allir nema einn mundu skila auðu að þá væru það samt gildar kosningar og sá eini sem hefur áhrif er sá eini sem merkti við flokk.

Autt er dautt! 

 

Sjálfur finnst mér fjórflokkarnir hafa misnotað sín tækifæri og kominn tími til að hleypa öðrum að.

Þess vegna kýs ég Borgarahreyfinguna. 


mbl.is Samfylkingin enn stærst
Tilkynna um óviðeigandi tengingu við frétt

Þú ert þjóðin - Þeir höfðu tækifærið

Fyrir hrunið kom hver viðvörunin á eftir annarri um veikleika bankakerfisins. Þeir höfðu tækifæri til þess að bregðast við en kölluðu í staðinn viðvaranirnar öfund og eyddu góðu orðspori þjóðarinnar í að sannfæra heiminn um að allt væri hérna í himnalagi.

Þeir höfðu tækifæri til þess að hætta að ráða frændur, syni, vini og flokksfélaga í fínar stöður, en þeir létu ekki einu sinni landslög stoppa sig í því. 

Þeir höfðu tækifæri til þess að stoppa í skattsvikaholur sem allir vissu að þeir sem áttu nægan pening voru að nota. Þeir fengu meira að segja sérstaka skýrslu um hvað þyrfti að gera svo ekki töpuðust milljarðar í skatttekjur, en þeir völdu að gleyma henni.

Og þegar þjóðin horfði upp á Víkingana selja sjálfum sér fyrirtækin sín aftur og aftur, skipta Group í undirfyrirtæki sem keypti síðan móðurfélagið með láni í enn öðru dótturfélagi o.s.frv. að þá höfðu þeir tækifæri til þess að setja lög um krosseignartengsl.

Eftir hrunið höfðu þeir tækifæri til þess að stíga fram og segja við þjóðina: "Afsakið, við brugðumst ykkur." En í staðin vörpuðu þeir allri ábyrgð á alþjóðakreppuna, fyrrum vini sína Útrásarvíkingana og almenning.

Þeir höfðu tækifæri til þess að byrja strax að reyna að hafa uppi á þeim fjármunum sem stolið var af óbreyttum borgurum um alla Evrópu, en þegar rannsókn fór loks af stað, að þá var hún bara í skötulíki.

Þeir höfðu tækifæri til þess að viðurkenna fyrir nágrannaþjóðum okkar að hér hefðu vaðið uppi glæpamenn sem hirtu allt sem þeir gátu, og þeir höfðu tækifæri til þess að óska eftir aðstoð við að rekja slóð þýfisins, en reyndin varð uppgufun trúverðugleika okkar og stríð við nágrannaþjóðirnar.

Þeir höfðu strax í haust tækifæri til þess að svara kröfu þjóðarinnar og boða kosningar núna í vor, sökum breyttra aðstæðna, og gefa þannig nýjum aðilum tíma til þess að skipuleggja og kynna sig. En í staðinn gerðu þeir lítið úr mótmælum og kölluðu mótmælendur skríl sem væru ekki fulltrúar þjóðarinnar.

Þeir höfðu alveg einstakt tækifæri til þess að koma á raunverulegum lýðræðisumbótum á stjórnarskrá og kosningalögum sem hefði getað lagt grunninn að Nýja Íslandi. En í stað þess sýndu þeir fram á það að þeir eru ófærir um að breyta stjórnarskránni til betri vegar, þó svo að vitað sé að meirihluti þjóðarinnar styddi það. Enda hefur flokksræðið alltaf styrkst við hverja breytingu á kosningalögum og stjórnarskrá sem gerð hefur verið undanfarinn árátug.

Þeir höfðu tækifæri til þess að hafna milljóna og tugmilljóna króna styrkjum/mútum frá útrásarfyrirtækjunum, en í staðinn tefla þeir fólki  fram á framboðslista sína sem var í lykilhlutverkum í þessu máli.

 

Við gáfum gömlu flokkunum tækifærið - en þeir gerðu ekkert.

Hverjum ætlar þú að gefa tækifæri á laugardaginn?

Sjálfur ætla ég að gefa Borgarahreyfingunni tækifæri, en mundu:

Þú ert þjóðin 

 

(Ef þú ert samála þessu þá vil ég biðja þig um að senda þeim sem þú þekkir þessi skilaboð t.d. með Facebook hnappnum hér fyrir neðan) 


63 aumingjar

Það er sjálfsagt ljótt að segja svona og alveg örugglega pólitískt rangt.

En þessir 63 einstaklingar sem eiga að teljast fulltrúar þjóðarinnar hafa ekki einungis reynst getulausir til þess að svara kalli þjóðarinnar um lýðræðisumbætur heldur hafa þeir líka komið í veg fyrir að hægt verði að bæta stjórnarskránna næstu 4 árin.

Þeir halda endalausar ræður þar sem þeir mótmæla því að Alþingi missi stjórnlagavaldið [til þjóðarinnar] en eru síðan greinilega óhæfir til þess breyta stjórnarskránni í þá átt sem meirihluti þjóðarinnar vill.

Þeim tókst ekki einu sinni að breyta kosningalögum á þann hátt að flokkar gætu valið að bjóða upp á persónukjör.

 

Hins vegar gengur þeim vel að breyta lögum á þann hátt að flokkarnir fái himinháa ríkisstyrki og ekki var mikið mál að breyta stjórnarskránni á þann hátt að 5% reglan væri fest þar inni.

 

Því segi ég það, þeir eru aumingjar allir með tölu og eiga það ekki skilið að sitja sem fulltrúar okkar á Alþingi.

 

Núna þarf hins vegar þjóðin bara að taka sig saman og halda Stjórnlagaþing sjálf. Við þurfum ekkert leyfi Alþingis til þess að búa til okkar nýju stjórnarskrá

Það eina sem þarf er að almenningur taki þátt í að búa hana til og að nógu margir kjósi um hana.

Ef það næst að þá verður ekki hægt að hunsa hana.


mbl.is Takk fyrir, búið
Tilkynna um óviðeigandi tengingu við frétt

Það er ekki hægt að endurgreiða mútur

Móttaka á styrkjunum/mútunum var röng því vegna þess leikur vafi um hvort peningarnir hafi haft áhrif á ákvarðanir kjörinna fulltrúa Sjálfstæðisflokksins í kjölfarið.

Það að endurgreiða upphæðina fjarlægir ekki vafann.


mbl.is „Augljós mistök“
Tilkynna um óviðeigandi tengingu við frétt

Glæsilegir vinningar ;)

paskaegg_828779.jpg

 

Mig langar bara til að þakka Guðlaugi og félögum fyrir þessa stórglæsilegu vinningaTounge

 


mbl.is Góð þátttaka í páskaeggjaleit
Tilkynna um óviðeigandi tengingu við frétt

6 af 14 innlendum fréttum

Núna um helgina eru landsfundir tveggja stjórnmálaflokka, Sjálfstæðisflokks og Samfylkingar.Og Mogginn flytur okkur auðvitað fréttir af báðum fundum.Þegar þetta er skrifað eru 6 af 13 innlendum fréttum á forsíðu vefs þeirra frá landsfundi Sjálfstæðisflokksins. Ein er frá landsfundi Samfylkingarinnar og svo er líka ein frétt af formannskjöri hjá Landssambandi Kúabænda.Það er gott að vita að því að Mogginn breytist ekkert þrátt fyrir hrun, afskriftir og eigendaskipti.
mbl.is Davíð Oddsson ávarpar landsfund
Tilkynna um óviðeigandi tengingu við frétt

Að hirða fé

Pétri Blöndal fannst það alveg hryllilegt að til væri fé án hirðis. Það samræmdist nefnilega engan veginn stefnu Sjálfstæðisflokksins.

Því tók hann sig til, ásamt fleirum, og sá til þess að þetta fé væri hirt.

 

Það tókst - nú er ekki lengur neitt fé án hirðis - í staðin kom starfsfólk án vinnu og almenningur án fjár, því almenningur verður látinn borga þetta eins og allt annað.

 

Nú er aldeilis búið að hirða fé af almenningi en samt  sem áður þrjóskast Sjálfstæðismenn við og segir að stefnan hafi ekki brugðist. Þeir ætla engu að breyta hjá sér nema nöfnunum á frambjóðendunum.

 


mbl.is SPRON til Kaupþings
Tilkynna um óviðeigandi tengingu við frétt

"stundum kviknar í rafmagnsleiðslum í þotunni"

Mogginn segir að stundum kviknar í rafmagnsleiðslum í nýju Airbus risaþotunni.

Laus eldur um borð í flugvélum er með hættulegustu atvikum í flugi og ef það gerðist ítrekað í ákveðinni flugvélategund að þá væri allar vélar af þeirri gerð kyrrsettar og orðspor framleiðandans varanlega skaðað.

Mogginn skrifar um þetta eins að þetta sé nóg biggy, shit happens.

 

Sem betur fer fyrir Airbus, ef marka má erlenda fjölmiðla, að þá er vandamálið "aðeins" að hitaskemmdir séu á rafmagnsköplum í vélinni.

Það er svo sem nógu alvarlegt vandamál, en hvernig er hægt að rugla þessu tvennu saman í þýðingu? 


mbl.is Óánægja með Airbus-þotu
Tilkynna um óviðeigandi tengingu við frétt

Bravó!

Ég er enginn aðdáandi Ingibjargar en er heldur alls ekki illa við hana, en ég tel þetta hafa verið rétt ákvörðun hjá henni. og því segi ég Bravó.  Fyrir því eru 3 ástæður.

1. Heilsan gengur fyrir. Þegar maður keyrir sjálfan sig áfram á 110% um leið og maður er að takast á viðalvarleg veikindi að þá gerir það bata erfiðari.

2. Þegar maður er veikur þá á maður nóg með sjálfan sig og er ekki í neinu standi til þess að leiða flokk, hvað þá heila þjóð.

3. Síðast en ekki síst, að þá kom hrunið á vakt Ingibjargar og hvort sem hún ber einhverja sök eða ekki að þá hafði hún ekki lengur traust til forustu. Og ef maður hefur ekki traust fólks að þá getur maður ekki leitt það áfram.

 

Núna þarf Jóhanna að taka við keflinu, í minnsta kosti næstu fjögur árin. Hún er sá eini innan Samfylkingarinnar sem hefur nægilegt traust til þess að leiða flokkinn. Og ef hún hefur ekki áhuga á formannsstólnum til framtíðar að þá á hún samt að setjast í hann tímabundið en gefa það út að hún hyggist bara sitja í fjögur ár. Þannig fær Samfylkingin góðan tíma til þess að finna sér nýtt leiðtogaefni.

 

Ég óska Ingibjörgu góðs bata og vona að hún nái sér sem fyrst.


mbl.is Ingibjörg Sólrún hættir
Tilkynna um óviðeigandi tengingu við frétt

« Fyrri síða | Næsta síða »

Höfundur

Ingólfur
Ingólfur

Starfa sem hönnunarverkfræðingur hjá íslensku hátæknifyrirtæki.

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (28.3.): 0
  • Sl. sólarhring:
  • Sl. viku: 1
  • Frá upphafi: 0

Annað

  • Innlit í dag: 0
  • Innlit sl. viku: 1
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband