Um valdarán í lýðræðissamfélagi, vilji fólksins og ólýðræðisleg vinnubrögð

Í morgun var viðtal við Hönnu Birnu á Morgunvaktinni þar sem hún sagði að henni liði eins framið hefði verið valdarán í lýðræðissamfélagi og sakaði Björn Inga um ólýðræðisleg vinnubrögð.

Hanna Birna hefur rétt fyrir sér með það að það var framið valdarán í borginni. Það var bara ekki í gær heldur vorið 2006.

Þá áttu Sjálfstæðismenn í viðræðum við Frjálslynda um meirihlutasamstarf sem hafði á bak við sig rétt rúmlega meirihluta atkvæði borgarbúa. Sjálfstæðismenn fóru hins vegar á bak við Frjálslynda flokkinn og sömdu við Framsókn en þeir flokkar höfðu minnihluta atkvæði borgarbúa á bak við sig þó að þeir næðu saman 8 borgarfulltrúum. Sagan segir að skipunin um þetta samstarf hafi komið úr ríkisstjórninni.

Þarna var greinilega gengið gengið gegn vilja borgarbúa og jafnvel hægt að tala um valdarán.

Síðan gerist það að ósætti skapast milli borgarstjóra og annarra borgarfulltrúa Sjálfstæðisflokksins. Mikið er fundað, meðal annars með forsætisráðherra.
Sjálfstæðismenn leysa málið loksins þannig að best sé bara að selja á brunaútsölu það sem olli deilunum og ákveða að það skuli gert.

Þeir gleymdu bara því að þeir eru bara með 7 borgarfulltrúa en kynna samt þessa áætlun almenningi áður en kannað er hvað 8 maðurinn í meirihlutanum vill gera.

Þetta mætti kalla tilraun til annars valdaráns, að ætla að þvinga samstarfsflokkinn til þess að hlýða með því bara að tilkynna það sem fyrirfram.

Það er hins vegar þarna sem lýðræðið loksins sigrar því þarna færi þessi sami fulltrúi nóg og fer í samstarf með hinum raunverulega meirihluta.

Þess vegna er það að ef völdunum var rænt í gær að þá var það til þess að færa valdið aftur í hendur fólksins, meirihluta borgarbúa. Persónulega finnst mér það vera það lýðræðislegasta sem Björn Ingi hefur afrekað á sínum pólitíska ferli.

Björn Ingi: Þreifingar fóru fram af hálfu sjálfstæðismanna

Niðurstaðan: Allir borga fullt verð?

Þegar ég las þessa fyrirsögn þá sá ég Pétur fyrir mér með hnífinn á lofti segjandi "Hi everybody!" eins og læknirinn Nick Riviera frá Springfield.

Ekki það að ég telji að Pétur sé vanhæfur til þess að hagræða í heilbrigðiskerfinu. Ég er hins vegar ekki viss um að hann sé hæfur til þess að hafa hagsmuni sjúklinga eða almennings að leiðarljósi.

Ég gæti t.d. vel trúað því Pétur komist að þeirri niðurstöðu að hagkvæmast sé að allir borgi fullt verð, því þannig sé tryggt að þeir velji ódýrasta kostinn og sleppi líka þeim meðferðum eða rannsóknum sem ekki er algjörlega tryggt að séu lífsnauðsynlegar.

Pétur sker upp heilbrigðiskerfið

OR ekki einkavædd, bara eignir og þekking seld út úr henni til einkaaðila

Ég held að Sjálfstæðismenn séu í eintómum orðaleikjum við kjósendur.

Allir vita að Sjálfstæðisflokkurinn stendur fyrir einkavæðingu í orkugeiranum en samt sem áður lofuðu Sjálfstæðismenn í borginni að þeir ætluðu ekki að einkavæða Orkuveitu Reykjavíkur.

Síðar hlutafélagsvæða þeir OR í miklum flýti en endurtaka aftur loforðið um að þeir ætli ekki að einkavæða.

Og nú hafa þeir á innan við viku sameinað einkafyrirtæki undirfélag OR, sem í hafði verið lagt þekking og eignir OR, og síðan ákveðið að selja sinn hlut sem allra fyrst á útsölu, eins og hlutur OR hafi eitthvern síðasta söludag.

Ef fram heldur sem horfir að þá munu Sjálfstæðismenn í borginni bráðum hafa selt bestu eignir OR þannig að eftir stendur ein lítil skrifstofa sem sendir notendum reikninginn og sendir peningana síðan áfram til nýju eiganda orkuveitnanna.

- En áfram munu þeir lofa því að OR verði ekki einkavædd.

Orkulindirnar ekki endilega andlag einkavæðingar

Hvaða hagnað, Heim-dellingar ættu nu að vita þetta.

Hvaða hagnað eru Sjálfstæðismenn að tala um.

Það er verið að tala um að selja hlut Orkuveitunnar í fyrirtæki sem hún myndaði fyrir örfáum dögum.

Þá lagði hún sitt eigið útrásarfyrirtæki, nafn þess, viðskiptavild, þekkingu og peninga i þetta nýja fyrirtæki. Þetta allt saman hafði ákveðið virði og OR fékk eftir því hlut í því.

Til þess að það sé eitthver hagnaður að þá verður að selja fyrir hærri upphæð en var lögð í fyrirtækið. Eigum við að trua það að það sé strax kominn 10 milj. hagnaður eftir innan við viku?

Ef það er raunin, er þá ekki rétt að halda aðeins lengur i hlutinn fyrst hann er svona arðvænn, eða mega kannski bara einkafyrirtæki græða? Það virðist jú vera stefnan hjá þeim.

Kjörið að nýta hagnað af sölu REI til að minnka álögur á borgarbúa

mbl fljótir að láta óþægilegar fréttir hverfa

Aðal frett dagsins, að Sjálfstæðisflokkurinn hafi einhliða ákveðið að selja REI, hefur fengið hörð viðbrögð í bloggheiminum og auðvelt að sjá það þar sem notendur hafa tengt færslur sýnar við fréttina.

Hins vegar er Mogginn fljótur að láta þá frétt falla niður á lista innlendra frétta en setur í staðinn efst á forsíðuna frétt um það að nú sé sátt í Sjálfstæðisflokknum.

Sátt meðal sjálfstæðismanna þrátt fyrir trúnaðarbrest

Frumlegt, eða þannig...

Það er ekki eins og fyrra nafn þeirra hafi verið sérstaklega frumlegt en ekki er nýja nafnið frumlegra.

Þarna hafa þeir nefnilega valið sér nafn aðal keppinauts Nyhedsavisen, danska Fréttablaðsins, sem einmitt er dreift frítt.

Mér finnst nú að þeir hefðu getað reynt að vera allavega aðeins frumlegri í merkinu fyrst þeir þurftu að velja þetta nafn. Það eru margir aðrir möguleikar í þessu nafni, t.d. hægt að draga klukku eitthvað inn í lógóið. Allavega eitthvað meira en að breyta bara bakgrunnslitnum og letrinu á "stundir"/"timer"

En kannski á þetta að vera eitthvað sálfræðiskot á Fréttablaðið. Sömu keppinautarnir allsstaðar.

Nafni Blaðsins breytt í 24 stundir

Engin spilling á Íslandi - Bara sniðugar aðferðir til þess að ná í fé almennings

Ísland er sannarlega land tækifæranna. Ef maður er úrræðagóður og klár að þá er nóg af tækifærum hérna.

Maður tekur t.d. það að sér að koma "vinagreiðviknum" stjórnmálamanni í fyrsta sæti framboðs í borgarstjórnarkosningum. Þegar því er náð þá þarf maður að klúðra málunum illilega ef maður kemur honum ekki í borgarstjórn.

Að fá þægilegt, ofborgað jobb eftir allt erfiðið er nú bara sjálfsagt. Hins vegar er það mun betra ef maður fær að selja félag í eigu borgarinnar, og lauma um leið nokkrum hlutum í eigin vasa.

 Þetta er samt engin spilling, bara sniðug aðferð til þess að ná sér í fé almennings.

Það er ekki eins og almenningur geri eitthvað í þessu, nema jú að blogga aðeins um hvað þeim ofbýður. EN svo er allt gleymt.

Fá að kaupa hlut í REI fyrir 10 milljónir

Skref 2 í einkavæðingu

Fyrir nokkrum vikum ákváðu Sjálfstæðismenn að breyta Orkuveitunni í hlutafélag. Það var fyrsta skrefið í einkavæðingu hennar.

Núna er komið að skrefi 2 í ferlinu. Að sameina hluta fyrirtækisins öðru fyrirtæki í einkaeigu.

Næsta skref verður síðan eitthverjar skipulagsbreytingar sem leiða það að sér að eigendur Geysir Green fái eitthvern lítinn hlut i OR hf.

Þá er hægt að segja á næsta kjörtímabili að best sé fyrir samkeppnina, útrásina eða eitthvað annað sem henntar þá að setja stærri hluta OR hf á opinn markað.

Eitthverntíman áður verður þó fyrrum Lína.net selt eitthverjum góðum flokksfelögum, þó svo vitað sé að verðmæti þess verði mun hærra eftir nokkur ár.

 

Hvað það tekur mörg skref allt i allt að einkavæða OR veit ég ekki, en ég veit að þetta er annað skrefið og að fleiri verða tekin svo lengi sem Sjálfstæðisflokkurinn heldur borginni.

Geysir Green Energy og Reykjavik Energy Invest að sameinast

Hvaða kappakstur var mbl að horfa á

mbl segir að nokkrir ökumenn hafi vellt bílum sínum. Ég horfði á alla keppnina og sá ekki eina einustu veltu, enda mjög óalgengar.

Reyndar sýndi engin myndavélin almennilega hvað kom fyrir hjá Alonso en ég sá allavega enga veltu.

Hamilton vann - Alonso fór útaf

Enginn munur á áhrifaleysi Íslendinga

Geir segir að við munum verða áhrifalaus um gjaldmiðilinn ef við tökum upp Evru einhliða, en hvað hefðum við eiginlega mikil áhrif ef við gengum fyrst í ESB? Nákvæmlega engin. Við mættum þá ekki einu sinni kalla Evruna Evru því hún verður að vera kölluð Euro í öllum ESB löndunum.

Ekki það, við erum svo sem líka áhrifalaus um krónuna eins og sést á vaxtastiginu sem samt hefur engin áhrif. Við stjórnumst aðallega á útgáfu jöklabréfa.

Síðan er reyndar vel hægt að taka upp Evru með samningum við ESB en án aðildar.

Þannig fengjum við aðild að myntsvæðinu eins og sum önnur smáríki hafa fengið. Þetta hefur verið bent á af ýmsum sérfræðingum. ESB sinnar vilja hins vegar ekki hlusta á þetta því þeir vilja nota Evruna plata okkur í ESB.

Geir H. Haarde: Að taka upp evru einhliða álitið veikleikamerki