Látum ekki neyða okkur í ESB

Ég hef það á tilfinningunni að Samfylkingin sitji núna kollróleg og bíði eftir að allt fari til fjandans, til þess að koma í gegn einu aðalmarkmiði sínu, sem hún minntist þó ekki á í kosningabaráttunni.

Það er eins og það eigi að leyfa efnahagskerfinu að hrynja til þess að þjóðin hlaupi inn í Evrópusambandið án þess að hugsa um nokkuð annað en núverandi efnahagsvanda.

Auðlindir, bæði í jörð og sjó, verða aukaatriði sem og umræðan um það hvert Sambandsríkið ESB stefnir og hversu valdalaus við verðum innan þess.

 

Það að ganga inn í svona Sambandsríki eingöngu til þess að redda skammtímavandamáli er svona svipað að skrifa undir eilífðarleigusamning fyrir kjallaraíbúð af því maður er í tímabundnum húsnæðisvanda.

 

Ef við ætlum inn í ESB að þá verður að gera það undir aðstæðum þar sem hægt er að fjalla um allar afleiðingar þess, góðar og slæmar. Því eftir að við erum komin inn að þá förum við aldrei þaðan út aftur. 

Tímabært að sækja um ESB-aðild

Athugasemdir

[Hjörtur J. Guðmundsson, 29.4.2008 kl. 17:49]

Heyr!

[Auðun Gíslason, 29.4.2008 kl. 20:59]

Þarf ekki að uppfylla einhver skilyrði um ástand efnahagsmála svo ríki fái inngöngu í ESB.  Ef svo er þá er þessi færsla hjá þér bull!

[Ingólfur, 1.5.2008 kl. 23:31]

Það er auðvelt að komast inn í ESB, við fáum hins vegar ekki að taka upp Evruna fyrr en við erum sjálf búin að laga það sem á að nota Evruna til þess að laga. Sem vissulega er bull, en það er ekki mitt bull