Til hamingju Ísland!

Árinu 2009 verður minnst fyrir það að þá eyddi Alþingi um 7 mánuðum í Icesave á meðan önnur mál voru látin sitja á hakanum.

Árið sem ábyrgðarflokkar hrunsins, með Sjálfstæðisflokkinn í broddi fylkingar, héldu uppi skipulegasta málþófi sem sést hefur í sögu lýðveldisins þó þeir vissu vel að Íslendingar hefðu engan annan raunhæfan kost í stöðunni en að samþykkja samningana.

Árið þar sem stjórnarandstaðan stóð í vegi fyrir enduruppbyggingunni, og þar með hagsmunum þjóðarinnar, vegna þess að þannig væri hugsanlega hægt að sprengja stjórnina áður en skýrsla rannsóknarnefndarinnar skilar niðurstöðu sinni.

 

Núna er loksins er niðurstað komin í þetta mál og ég vona bara að núna á nýju ári getum við loksins farið að einbeita okkur af öllum hinum málunum og vonandi unnið saman að uppbyggingunni.

Alþingi samþykkti Icesave

Athugasemdir

[Andspilling, 31.12.2009 kl. 01:25]

Hvernig dettur þér í hug að Sjálstæðisflokkurinn komi til með að leggjast á árar með uppbygginguna? Þú veitst að varðhundur LÍÚ á þingi Ásbjörn Óttarsson var kjörinn til að vera fulltrúi Sjálfstæðisspillingarflokksins í nefndinni sem á að fjalla um skýrsluna frægu..!

[Ingólfur, 31.12.2009 kl. 01:29]

Það er um að gera að vera bjartsýnn í upphafi nýs árs.

[Kári 31.12.2009 kl. 01:58]

Já, þetta er svo sannarlega tilefni til að gleðjast. Nú þarf maður kannski ekki að ljúga til um þjóðerni sitt í útlöndum.

Gleðilegt ár!

[Landið 31.12.2009 kl. 04:18]

Byggja hvað upp? Öll þau verðmæti sem við sköpum fara í að greiða okkar eigin skuldir og restin í að greiða 68,9 milljarða vexti á hverju ári af Icesave. Getum lagt niður menntakerfið það kostar sirka 30 milljarða fyrir ríkið og ef Reykjavíkurborg leggur niður alla grunnskóla fást hátt í 20 í viðbót og þá má líka draga úr greiðslum til öryrkja um 48% og þá erum við komin með hina 19 sem upp á vantar.

Það er fráleitt að ætla að hér verði einhver uppbygging næstu árin. Þá getum við reiknað inn í þetta fólksflótta. Látið ykkur ekki dreymu um það að fólkið sem er að mennta sig í háskóla í dag ætli sér að hanga hérna þegar því býðst margfalt betri kjör annar staðar. Þar með fer lungað af þeim sem skapa mestu verðmætin.