Áskorun til fjölmiðla

Í stað þess að flytja eintómar fréttir um stakar hækkanir og lækkanir af hverju leggið þið ekki smá vinnu í að skoða olíuverð á heimsmarkaði og verðið á lítranum hérna heima.

 

Með því einu að skoða heimsmarkaðsverð í íslenskum krónum nokkra mánuði aftur í tímann er hægt að bera það saman við verðið á dælunni hérna heima því þar með eru gengisbreytingar komnar inn í samanburðinn.

 

Og núna þegar olíuverð hefur lækkað aftur er lítið mál að sýna lesendum/áhorfendum myndrænt hvað lítraverðið ætti að vera ef olíufélögin væru jafn fljót að lækka og þau eru að hækka.

N1 lækkar eldsneytisverð á ný

Athugasemdir

[Baldur 9.8.2008 kl. 02:29]

Ég lék mér aðeins

Tók eftirfarandi fréttir af mbl.is:

http://www.mbl.is/mm/vidskipti/frettir/2008/01/02/verd_a_hraoliu_for_i_100_dali/

og

http://www.mbl.is/mm/vidskipti/frettir/2008/08/08/oliuverd_laekkar/

Sem ættu að segja okkur ca. hvað verðið á olíutunninni var í byrjun árs og núna. Svo fór ég á sedlabanki.is og skoðaði gengi dollarans í upphafi árs og nú (3. janúar og 8. ágúst, tók miðgengið)

Í upphafi árs var verðið á olíutunnunni 100$ og gengið á dollaranum 62,64 kr. sem gera 6264 kr.

Núna er verðið á brent olíunni 112,28$ og gengið á dollaranum 82,79 kr. sem gera 9296 kr. Þetta gerir hækkun uppá 48,40%.

Verðið á olíutunnunni í New York er hinsvegar um 115 dollara sem gera 9521 kr eða hækkun uppá 52%

Svo fór ég á shell.is en það er eina olíufélagið sem býður upp á að finna gömul verð.

Fyrsta verðbreytingin á árinu (4. janúar) þá varð verðið á 95 oktana bensíni 134,40 kr en er skv. síðasta skjali þeirra (6. ágúst) 166,70 kr. Þetta gerir hækkun uppá 24,03%

Díselinn hjá var verðlagður 4. janúar á 136,90 kr en er skv. skjalinu frá 6. ágúst 183,60 kr. Þettar gerir hækkun uppá 34,11%.

Semsagt skv. þessu hafa olíufélögin hækkað verðið á bensíni og dísel minna en verðið hefur hækkað erlendis frá með teknu tilliti til veikingar krónunnar. Það er því spurning hvort fréttamenn vilji nokkuð segja okkur frá sannleikanum því hitt hljómar svo mikið betur.

Vissulega er þetta ekki nákvæmar tölur, því væri skemmtilegra að fá að mun ýtarlegra yfirlit yfir þetta.

[Ingólfur, 9.8.2008 kl. 12:27]

Það er reyndar ekki hægt að bera saman hlutfallslega hækkun á heimsmarkaði og lítraverðinu því inni í lítra verðinu eru margir fastir þættir eins og olíugjaldið sem breytist ekkert þó heimsmarkaðsverðið hækki.

En það er hægt að bera saman tíma þar sem heimsmarkaðsverð er það sama í krónum talið og sjá lítraverðið.