Formúla 1: Keppni í reglusvígi

Aldrei ætlar FIA að læra að reglurnar eru að eyðileggja þessa íþrótt.

Fyrst var bannað að skipta um dekk, svo var það skylda að nota tvær týpur af dekkjum.

Tímatökurnar snúast ekki um það hver er fljótastur, heldur hver er með minnst bensín á bílnum.

Þú ert í vondum málum ef vélin springur í keppni, því þá færistu aftur um 10 sæti í næstu tímatöku, nema í öðru hverju móti.

Einu sinni var gripstýring bönnuð nema ef maður lét sjálfskiptinguna sjá um hana.

Það er bannað að taka bensín rétt eftir að öryggisbíllinn kemur út, þó maður sé að verða bensínlaus.

o.s.frv

 

Þetta er ekki lengur spurningin hver er besti ökumaðurinn á hraðasta bílnum, þetta er keppni hver finnur bestu leiðirnar framhjá reglunum.

 

Ætli liðin taki ekki bara upp á því að skella bílunum ofan á flugvélar til að prófa loftmótstöðu núna eftir að takmörk eru sett á vindgöngin. 

FIA takmarkar notkun vindganga á næsta ári

Athugasemdir

[Rúnar Ingi Guðjónsson, 16.12.2007 kl. 09:47]

Já það er verið að skemma þessa "keppni".

Hvers vegna ekki að leyfa formúlunni að þróast sjálfa. Það eiga að sjálfsögðu að gilda reglur á keppnisbrautinni, en að takmarka tímann sem má fara í hönnun?!

Það væri gaman að sjá faratækið sem kæmi útúr því umhverfi þar sem engin takmörk væri á hönnunarkostnað né hönnunartímann.

þá fyrst yrði gaman að fylgjast með formúlunni.