Er ekki eitthvað að, þegar meirihlutinn brýtur lög?

Er það ekki undarlegt þegar meirihluti borgaranna eru lögbrjótar? Annað hvort hlýtur eitthvað að vera að viðhorfi borgaranna eða þá að eitthvað er bogið við lögin, eða allavega framkvæmd löggæslunnar.

Vegkaflinn sem myndavélin var sett upp á er vegurinn frá Vesturlandsvegi að fyrstu ljósunum við Húsahverfi. Það er lítil umferð gangandi vegfarenda þarna, göngustígurinn er fjóra metra frá veginum og er, að mig minnir, að hluta upphækkaður hitaveitustokkur.

Lengra inn í hverfinu er meiri umferð gangandi vegfaranda, íþrótta og fleiri gatnamót en þar er sami hámarkshraði. Það er hins vegar ekki valið að mæla þar sem brotið er hvað alvarlegast og hættan sem mest, heldur þar sem ökumenn eru nýkomnir af Vesturlandsvegi, ekki almennilega komnir inn í íbúðarhverfi og hættan sem minnst.

Það er því spurning hvort þetta sé löggæsla sem miðar að því að auka öryggi vegfarenda eða bara tekjuöflun fyrir ríkissjóð?

 

Meirihluti ökumanna ók of hratt um Víkurveg

Athugasemdir

[Eggert J. Eiríksson, 14.11.2007 kl. 21:59]

Lögreglukórinn !!

Þeir eiga að fara að dæmi bretanna og auglýsa í tætlur staðsetningar hraðamyndavéla (kort GPS og á netinu) og hafa þær ÞAR sem hættan ER eða á stöðum þar sem stærri slys hafa orðið oftar en einusinni og þeir sem láta hanka sig þar eiga það BARA skilið

Þessi felu aðferð er bara undarleg og í besta falli einn skatturinn enn.
(ekki það að ég sé hlynntur hraðakstri almennt en skynsemin þarf að vera báðum megin borðsins)

Kv EJE