Hvað er hliðrænt?

Fyrir daga USB tengja töluðu tölvunerðir um parallel port og serial port.

Þegar ég sé þetta orð "hliðrænt" þá dettur mér helst í hug að það eigi að þýða parallel.

Af efni fréttarinnar má hins vegar sjá að líklega er átt við analog sjónvarpsmerki. Ég veit svo sem ekki hvað á að kalla það á íslensku en orðið hliðrænt er á angan hátt lýsandi orð.

Hvaða sjáið þið eiginlega úr þessu orði? Berst sjónvarpsmerkið einhvernveginn á hlið, eða er tengið á hlið sjónvarpsins, þarf maður kannski grindarhlið til þess að ná merkinu eða er því rænt frá hlið.

 Ég lýsi hér með eftir betra orði. Kannski er það til en bara dottið úr hausnum á mér.

Slökkt á fyrstu hliðrænu sjónvarpssendunum í Bretlandi

Athugasemdir

[Guðmundur Örn 17.10.2007 kl. 13:13]

Þetta íslenska orð er alveg hliðrænt (e. analogous) við enska orðið analog. 

[Ingólfur, 17.10.2007 kl. 13:22]

Það má vera að þetta orð hafi fest sig en ég er samt ekki að sjá neina tenginu. Íslenskan á að vera gegnsætt mál er sagt.

En þó ég viti vel hvað analog er og muninn á því og safrænu merki að þá á ég erfitt með að finna gott orð fyrir þetta.

Það eina sem mér dettur í hug er að analog merki hefur svona "organic" útlit á meðan stafrænamerkið er "kantað". Eigum við kannski að fara að kalla þetta lífrænt sjónvarpsmerki

[Sævar 17.10.2007 kl. 18:15]

Parallel er að sjálfsögðu hliðtengt, og serial er þá raðtengt...

[Magnus 17.10.2007 kl. 21:15]

Held að Guðmundur hafi hitt naglann á hausinn. 

 Gott dæmi um analog merki eru rákirnar í plötu. Nálin (pickup) í plötuspilara er lítill rafall þar sem spennan er í réttu hlutfalli við lögun rákarinnar sem hún ferðast yfir í tíma. Þetta hlutfall er raffræðileg hliðræna / hliðstæða þrýstimunar í massa í tíma sem við köllum í daglegu tali hljóð.

Afhverju má ekki tala frekar um merki og svo stafrænt merki? Hið fyrra er umbreyting og / eða tilfærsla á orku meðan hið síðara er talnaleg úttekt á því fyrra. Reyndar getur stafrænt merki verið uppruni sbr mp3 spilara en þeir enda á að umbreyta í analog merki sem eyrun okkar.

[Leifur Þorsteinsson, 18.10.2007 kl. 14:18]

Stafrænt, Hliðrænt, Íslensku heitin á þessum fyrirbærum eru

hvorugt virkilega lýsandi á framtónun fyrirbærana.

Orðið hlið(rænnt) er gert úr þýðingunni hliðstæður á orðinu

analog (að vera eins). En án þess að fara út í allt of miklar

málalengingar má skíra Stafrænt eithvað sem kemur í bútum

(s.b.Quanta) önnur þýðing er eithvað sem táknað er með

merkjum (s.b. tölvumálið 0 og 1 eða hnútaletur Inkana).

Hliðræn er notað yfir fyrirbæri sem er samhangadi eða sírennandi.

Nota mætti orðið Sírænt eða Samrænt (sem þó er ekki heppilegt

vegna annarar merkingar á íslensku). Sírænt ætti að nota.