Opið bréf til VG. Lítum á heildarmyndina.

Núna er ljóst að sitjandi ríkisstjórn er vart starfhæf og því kemur að því mynda þarf nýja ríkisstjórn.

Þegar stjórnarkostir eru skoðaðir að þá er auðvelt að koma auga á þann kost sem allir vinstrimenn ættu að kjósa sér helst, en það eru vinstri flokkarnir ásamt Framsókn.

Ef Sjálfstæðisflokkurinn verður hins vegar í næstu ríkisstjórn að þá er ljóst að einkavinavæðing heldur áfram, ójöfnuður helst óbreyttur í skársta falli og erfitt verður að fá í gegn mikilvægar umbætur á velferðarkerfinu.

Það er því fyrir öllu að þessir þrír flokkar nái saman, jafnvel þó það þýði að Steingrímur verði óumbeðinn að fyrirgefa Framsókn ómerkilegustu auglýsingar sem sést hafa í kosningabaráttu hér á landi. Það er lítið gjald að greiða fyrir það sem landinu er núna fyrir bestu.

 

Talsmenn Sjálfstæðisflokksins töluðu mikið um "hættuna" af því að hér kæmi vinstristjórn.
Er ekki kominn tími til að sanna fyrir þeim hvað þeir höfðu rangt fyrir sér? Tækifærið má ekki renna úr greipum okkar.

Steingrímur krefur Jón um afsökunarbeiðni

Athugasemdir

[Guðmundur Jónas Kristjánsson, 14.5.2007 kl. 01:22]

Við Framsóknarmenn erum ekki vinstrisinnar, heldur borgarasinnaðir þjóðlegir
miðjumenn. Að Framsókn fari í eitthvað rugl vinstrasamstarf er gjörsamlega út
í HÖTT!!!!!! Enda hafa spjótin meiriháttar beinst frá vinstri á Framsókn.
Hvers konar rugl blogg er þetta?  Þvílíkt BULL og RUGL!

[Davíð 14.5.2007 kl. 02:31]

Þetta er ein fyndnasta athugasemd sem ég hef lesið. Ef að þessi Guðumundur Jónas er ekki búinn að gera illt álit mitt á framsóknarfólki verra þá veit ég ekki hvað. Annars bara heyr heyr fyrir sannleikanum Ingólfur. Einkavæðingin er komin á virkilega hættulegar slóðir finnst mér, held það verði ansi erfitt að snúa við ef að við förum of langt í þeirri vitleysu. Þessvegna vill ég breytta ríkistjórn, eða sænskann ríkisborgararétt.

[Kormákur Hermannsson 14.5.2007 kl. 07:38]

Þetta var mjög fróðleg uppákoma þarna í kastljósi enda höfðu þessar auglýsingar farið fram hjá mér hér í Dk. 

Mér fannst alveg með ólíkindum að grey karlinn hann Jón notaði ekki tækifærið og bæðist afsökunar, enda hlýtur að að vera sjálfsagt mál að biðja hörundsárt fólk afsökunar þegar farið er yfir strikið. Steingrímur hefur þá líklega rétt fyrir sér í því að Jón er þá ekki vandanum vaxinn.

En spurningin er svo auðvitað sú hvort að Steingrímur er vandanum vaxin að geta ekki horft framhjá lákúrulegum auglýsingum?

Hilsen frá DK

Kormakur 

[Vilhelmina af Ugglas, 14.5.2007 kl. 09:18]

Spaugaðu ekki um spámanninn,

 

spé um hann ég aldrei kveð.

 

Stattu vörð um stórkarlinn

 

Steingrím Joð og Múhammeð.