Lærimeistarar Sjálfstæðisflokksins?

Ég gerði fastlega ráð fyrir að þetta væri haft eftir einhverjum Sjálfstæðismanninum og væri hann þar að tala um mótmæli ungmenna við síðustu meirihlutaskipti í borginni.

Þeim var nefnilega líka í mun að gera lítið úr mótmælunum og óánægju borgarbúa með því kalla þau skrílslæti. Og þó óánægjan væri staðfest í ótal skoðunarkönnunum að þá var ekkert hlustað.

 

Ætli fyrirmyndin séu stjórnvöld í Kína sem virðast bregðast ekki við mótmælum og gagnrýni nema á þann hátt að reyna að spinna þeim sér í hag í fjölmiðlum.

Vinirnir í austri eru þó að sjálfsögðu langt um fremri í þessu og duglegri í að stjórna fjölmiðlunum á meðan Sjálfstæðisflokkurinn er bara með staksteina og "fréttaskýringar" á forsíðu Moggans.

Skrílslæti, ekki mótmæli

Athugasemdir

[Gullvagninn 26.3.2008 kl. 19:16]

Oh, ætli þú finnir ekki vænan skammt af leiðandi fréttum, innrætingu og hreint og beint Göbbels PR lummu eldhús, ef þú skoðar fréttirnar sem við teljum "hlutlægar".

Kína og sovét eru svolítið ýkt í þessu, vestrænir lærlingar Göbbels hafa áttað sig á að það verður að tóna þetta soldið niður svo það sé ekki augljóst. 

[Ingólfur, 27.3.2008 kl. 01:04]

Jú auðvitað sér maður það og stundum ganga sumir allt of langt í því að nota fjölmiðla hérna í pólitískum tilgangi.

En við erum heppnari en Kínverjar að því leiti að maður getur venjulega líka kynnt sér hina hlið málsins, þó sú rödd hljómi kannski ekki jafn hátt.