Hver á að vinna í fjórum nýjum álverum, einni kísilhreinsunarstöð og slatta af netþjónabúum?

Maður hefur það á tilfinningunni að á Íslandi sé í gangi keppni um síðustu kílówattstundina til þess að byggja endalaus álver og þar fyrir utan á að byggja fullt af annarskonar iðnaði sem ætlar að nota orku og íslenskt vinnuafl.

Á sama tíma eru vextir stöðugt að hækka til þess að reyna að koma eitthverjum böndum á þennsluna.

Hvað er eiginlega í gangi? Hvað liggur á? Hver á að vinna á þessum stöðum? Er orkan á síðasta söludag?

Ætti ekki frekar að fara út í svona framkvæmdir þegar atvinnuleysi og engin þennsla væri á sjóndeildarhringnum?

Atvinnuleysi mælist enn 0,8%

Athugasemdir

[Lára Hanna Einarsdóttir, 14.11.2007 kl. 17:59]

Tek undir hvert orð hjá þér.
Það sem gleymist stundum þegar verið er að ræða málin um álverin og orkuna er fórnarkostnaðurinn - hreina loftið og náttúran.

Bendi þér og öðrum sem hafa áhuga að lesa bloggið mitt hér.

[Tryggvi L. Skjaldarson, 14.11.2007 kl. 18:23]

Hreinaloftið og náttúran fara ekkert þótt álver rísi.

[Lára Hanna Einarsdóttir, 14.11.2007 kl. 19:15]

Rangt, Tryggvi.

Álver menga og til að afla rafmagns til þeirra þarf að virkja annað hvort vatnsföll eða jarðhita. Það hefur í för með sér stórfellda eyðileggingu á náttúrunni og enn meiri mengun eins og sannast hefur undanfarið með Hellisheiðarvirkjun sem spúir brennisteinsvetni í áður óþekktum mæli yfir íbúa höfuðborgarsvæðisins.

Allar framkvæmdir verður að skoða í samhengi við annað og meta alla kosti og galla.

[Ingólfur, 14.11.2007 kl. 22:54]

Auðvitað eyðileggja virkjanir og línuvirki aðra nýtingu á náttúrunni auk neikvæðra ímyndaráhrifa (sem hefur raunverulega fjárhagslega þýðingu).

En það er enn verra þegar stóriðjan er stóraukin án þess að það sé nokkur efnahagsleg þörf fyrir það.